Мејловите со наслов „Што направи минатата недела?“ беа испратени до вработените низ федералните агенции. Администрацијата на Трамп вчера испрати мејлови до вработените во американската федерална влада во кои бара до понеделник навечер да напишат што сработиле претходната недела или ризикуваат да ги загубат своите работни места, објави Ројтерс. Барањето пристигнало набргу откако Илон Маск, шеф на Одделот за владина ефикасност на администрацијата на Трамп, објави на X дека неодговорање на мејлот се смета за оставка. „Сите федерални вработени наскоро ќе добијат мејл со барање да објаснат што направиле минатата недела Неодговорот ќе се смета за оставка “, објави Маск на X.
Мејловите со наслов „Што направи минатата недела?“ беа испратени до вработените низ федералните агенции, вклучително и Комисијата за хартии од вредност, Националната управа за океани и атмосфера, Центрите за контрола и превенција на болести и други. Со нив се бара од вработените да сумираат во пет точки што постигнале на работа минатата недела. Нејасно е каква правна основа има Маск да ги отпушти федералните работници доколку не одговорат на неговото барање и што би се случило со вработените кои не можат да опишат доверлива работа. Некои вработени во федералното правосудство ја добиле поштата, иако судскиот систем не е дел од извршната власт. Работниците во Бирото за финансиска заштита на потрошувачите, исто така, ја добиле поштата. Сепак, на повеќето вработени во агенцијата им беше наредено да не извршуваат никакви задачи од почетокот на овој месец. Извор: Новинска агенција МЕТА
