Скопје, 18.02.2025г. Соглaсно обврските од Акцискиот план со краткорочни мерки за чист воздух за период 10–14 февруари 2025 година 9 општини имаат испратено извештај за засилени активности до Министерството за животна средина и просторно планирање. Општина Битола во првата половина на февруари изврши контролни надзори во три инсталации со Б дозволи кои беа задолжени да превземат мерки за сведување на емисиите во воздух во законски дозволените граници. Констатирано е дека во трите инсталации се превземени мерки со сервисирање на котларите, извршени се контролни мерења и од истите се гледа дека емисиите во воздух се во законски дозволени граници. Од страна на МЛЕКАРА АД БИТОЛА се превземени мерки за адаптација на котларата и поврзување на истата со нов горилник за природен гас, за што е изграден и приклучок со што МЛЕКАРА АД Битола е спремна да премине на природен гас штом биде достапен. ЛАКТАЛИС МЛЕКАРНИЦА МК ДООЕЛ Битола исто така е спремна да изврши прилагодување на котларата за премин на природен гас. КВАСАРА АД Битола има поставено фотоволтаици, а во тек е проект за изградба на котел кој ќе користи електрична енергија со што ќе се намали користењето на дрвата како гориво. Извршени се надзори во 5 автосервиси за постапување со отпад и не е констатирано согорување на отпадно масло. Со истото се постапува согласно закон: привремено безбедно се складира и се предава на овластени субјекти.
Општина Струмица спроведе вонредни инспекциски надзори на 8 физички лица и 8 правни субјекти), при што на 4 физички лица им е изречена глоба, на 4 физички лица им е дадена писмена опомена со едукација, на 6 правни субјекти им е изадено решение (за мерења, да се предаде отпадно масло кое е складирано,) а кај 2 не се констанирани неправилности. Општина Кисела Вода изврши 20 инспекциски надзори со посебен акцент на правни субјекти кои како отпад при вршење на дејноста добиваат отпадно моторно масло, отпадни гуми и друго. Комуналните инспектори и комуналните редари спровеле 10 инспекциски надзори на активни градилишта и стоваришта и наложено е миење на гумите на камионите и други активности за спроведување на Закон за јавна чистота. Општина Прилеп спроведени се четири инспекциски надзор и тоа во погон за преработка на камен, два автосервиса и на субјект со фурна со печка на дрва. При надзорите не се констатирани неправилности, но два се задолжени за мерење на емисии во воздух од работата на инсталацијата и за доставување на податоци за емисии од стационарен извор до МИЦ при МЖСПП, а еден автосервис е задолжен за изработка и доставување на елаборат за заштита на животна средина. Општина Тетово извршила 5 инспекциски надозори и кај два правни субјекти што се занимаваат со производство на мебел, еден автосервис и два субјетка што вршат дејност во рамки на прехрамбената индустрија. При надзорите не се констатирани неправилности.
Општина Гази Баба има изречено една казна за спалување на отпад и една казна за несоодветно депонирање на отпад. По наредба на јавен обвинител од Основното јавно обвинителство Скопје спроведени се координирани вонредни инспекциски надзори во инсталациите што поседуваат одобрен елаборат за заштита на животната средина, а за чие одобрување е надлежен градоначалникот на општината и поврзано со квалитетот на воздухот се изготвени шест записника од извршените контроли и доставени до обвинителството. Исто така направена е обиколка на три градилишта и извршена е проверка на спроведувањето на мерките за намалување на загадувањето (правилно депонирање на отпад, работа со посебни маневри кои нема да предизвикуваат прав и сл.) и спроведена е редовна проверка над тркалата на возилата кои излегуваат од градежните парцели. Во едно од трите градилишта е изречена опомена. Општина Крушево е фокусирана на зајакнати вонредни контроли на техничката исправност на возилата што учествуваат во сообраќајот на патиштата со акцент на издувни гасови, особено на оние со дизел горива, тешки товарни возила и нерегистрирано возила. Во Општина Охрид акцентот е на спроведување на Законот за јавна чистота. Направена е контрола во градилиште. Општина Куманово има направено е конторолен инспекциски надзор во три автомеханичарски работилници во кои не е констатирано согорување на отпадно масло. Во наведениот период издаден е прекршочен платен налог за физичко лице затекнато како согорува кабли покрај пат.
