Постапката се води според член 114 од Законот за електронски комуникации. Страните се забрануваат бидејќи немаат лиценци во државата, не плаќаат данок за обложување, а ниту граѓаните плаќаат данок на добивката.
Министерот за дигитална технологија Стефан Андоновски им порачува на граѓаните да ги повлечат парите оти за неколку дена страните ќе бидат забранети од телеком операторите.“Станува збор за кривични дела во кои граѓаните кои учествуваат свесно се впуштиле, согласно Законот за игри на среќа. Граѓаните треба пред да бидат забранети да си ги повлечат средствата. Во спротивно, преку контакт на меил со конкретните нелегални приредувачи треба да си ги побараат средствата. Апелирам до досегашните играчи, во најбрз можен рок да ги повлечат сите депонирани средства и да не се подведуваат на лажните и манипулативни е-меил пораки кои ги наведуваат да ги користат овие нелегални страници на несигурен и небезбеден начин“, ни изјави министерот Андоновски.
Ова е втора тура на забрана на онлајн страни за обложување. Во мај годинава, по налог на Министерството беа забранети 53 вакви веб страни за обложување.„Во втората тура станува збор за 173 страници и за нив налогот е испратен до АЕК. Според Законот за електронски комуникации АЕК во рок од 5 дена ги праќа до операторите страните кои веднаш треба да ги забранат и обично им се потребни 3 до 4 дена тоа да го сторат“, додава Андоновски.
