Министерот за економија и труд Бесар Дурмиши на седницата за пратенички прашања, одговараше на прашањето поставено од поранешниот претседател на Собранието, Талат Џафери. Тој рече дека од почетокот на неговиот мандат како министер бараше да дојде Државната ревизија и да изврши целосна ревизија на функционирањето на институцијата, за да се констатира што е наследено од минатото. Покрај тоа, тој иницираше и внатрешна ревизија за функционирањето на Министерството за економија. Во однос на прашањето за добивање лиценца, министерот Дурмиши рече дека детално ја објаснил целата процедура. Објаснив дека Министерството за економија нема законска надлежност и механизам да проверува дали објектот има лиценца или не, а уште помалку да утврди дали е фалсификуван или не“, рече Дурмиши.
Одговарајќи на обвинувањата на пратеникот Џафери, министерот Дурмиши истакна дека нападите не се за барање вистина, туку за обиди за политички поени во овие моменти . „Знам дека сакате да оставите впечаток дека ја барате вистината. Но, сакам јасно да ви кажам: вас и вашата партија не ве интересира вистината. Ве интересира како да ја искористите секоја ситуација за да направите врева и да стекнете некаква политичка предност во моментот. Ова не е нешто ново за граѓаните – тие веќе се навикнати на вас“, нагласи министерот Дурмиши. Тој понатаму им се обрати на Џафер и на другите претставници на ДУИ, велејќи дека е цинично да бараат одговорност, знаејќи дека во нивно време се случиле сериозни скандали како што се случајот „Дурмо турс“, „Беса транс“, модуларната болница во Тетово- и за ниту еден од овие случаи никој не одговараше пред органите на правдата. За разлика од тие случаи, сега првпат 34 лица се соочуваат со правдата за една трагедија што се случи“, заклучи Дурмиши. Со почит Одделение за односи со јавност
