Групацијата Телеком Србија го заврши преземањето на НЕТ ТВ Плус од компанијата United Group, која емитува програма за дијаспората, како и на сателитската телевизија Тотал ТВ во Србија и Северна Македонија. Корисниците во дијаспората преку услугата на НЕТ ТВ отсега ќе имаат повеќе од 150 нови канали (вкупно 362 телевизиски канали) со најатрактивни спортски, филмски, сериски, информативни и забавни содржини од портфолиото на Телеком Србија. Гледачите на НЕТ ТВниз Европа и светот, во новата понуда, ќе можат да уживаат во богати спортски содржини во рамките на Arena Sport каналите. На корисниците ќе им бидат достапни и каналите со најнови домашни серии и филмови, како што е каналот Superstar TV, каналите на RTS, како и најпопуларните регионални и локални канали од Србија и регионот. Покрај поголемиот број канали, корисниците на НЕТ ТВ ќе бидат воодушевени и од значително збогатената понуда на домашни серии и филмови во видео клубот, односно услугата VoD. Дополнителна поволност за корисниците на НЕТ ТВ во Германија, Швајцарија и Австрија е и можноста да станат корисници на мобилните услуги на MTEL, под исклучително поволни услови, кои услуги се скроени согласно потребите на нашите луѓе кои живеат во дијаспората. Постоечките корисници на услугата НЕТ ТВ не треба да ја менуваат опремата и начинот на плаќање останува ист како досега.
Телеком Србија, како водечка телекомуникациска групација на Западен Балкан, ја зајакна понудата на сателитска телевизија со преземањето на Тотал ТВ. Почнувајки од април корисниците на Тотал ТВ ќе можат да гледаат бројни канали кои што ги нуди Телеком Србија. На овој начин сите домаќинства кои следат телевизиска програма преку Тотал ТВ ќе уживаат во најдобрите спортски содржини ширум светот на Arena Sport каналите,кои отсега ќе ги емитуваат и содржините од Sport Klub, како и најатрактивните домашни серии и филмови кои се прикажуваат на SUPERSTAR TV каналите. „Со аквизицијата на Тотал ТВ и НЕТ ТВ, компанијата Телеком Србија ја потврди својата лидерска позиција во доменот на дистрибуција на мултимедијални содржини како во Србија и регионот, така и во дијаспората“, изјави генералниот директор на Телеком Србија, Владимир Лучиќ и додаде: „Отсега, сите корисници кои гледале телевизиски програми преку Тотал ТВ во Србија и Северна Македонија, како и преку НЕТ ТВширум светот, ќе имаат на располагање значително поголем број на ТВ канали, а посебно би ги истакнал оние кои нудат најдобра спортска и сериска содржина, Arena Sport и Superstar TV. Верувам дека сите наши корисници ќе уживаат новите содржини и дека бројот на корисници на нашите услуги во Србија, регионот но и во дијаспората во иднина ќе расте”. Телеком Србија ќе продолжи да инвестира во мултимедијални содржини, да го одржи и подобри квалитетот на своите услуги за да обезбеди беспрекорно корисничко искуство за своите корисници ширум светот.
