Властите во Мјанмар денеска прогласија еднонеделна жалост поради силниот земјотрес што неодамна го погоди регионот, при што загинаа повеќе од 2.000 луѓе, а речиси 300 се водат како исчезнати, а 4.000 беа повредени. Минутниот молк ќе започне во 12:51 часот по локално време, точниот момент кога земјотресот се случи во петокот, јавува Би-би-си.
Во Мјанмар пристигна помош од целиот свет, вклучително и тимови од Русија, Кина и САД, но спасувачките групи предупредуваат на појава на болести, додека лошата инфраструктура и мноштвото граѓански судири сериозно ги попречуваат напорите за помош. Бројот на загинати во Тајланд е 20, додека околу 70 луѓе се верува дека се заробени под урнатините во Бангкок, пренесува Танјуг.
