Повеќе од три четвртини од вкупно 120.000 етнички Ерменци во Нагорно-Карабах ја напуштиле областа откако Азербејџан ја врати контролата врз територијата.
Егзодусот на Ерменците се случи побрзо од очекуваното и се чини дека ниту еден етнички Ерменец нема да остане на територијата на Нагорно Карабах.Автомобили, автобуси и трактори со бегалци се движат по автопатиштата на петтиот ден од егзодусот, кој означи ненадеен и одлучувачки крај на еден од најдолгите замрзнати конфликти во поранешниот Советски Сојуз.
Неименуван претставник на Агенцијата за бегалци на ОН изјави дека бројот на бегалци може да достигне 120.000, што би значело егзодус на целото ерменско население од Нагорно Карабах.
Властите на Азербејџан најавија дека ќе ги почитуваат правата на Ерменците кои ќе изберат да останат во Нагорно-Карабах, но тие засекогаш го уништија концептот на самопрогласена Република Нагорно-Карабах.Од Баку е соопштено дека за неколку дена на тимот на ОН ќе му биде дозволен влез во Нагорно Карабах.
