Над 15 000 луѓе вчера на Културното лето во Кисела Вода!

Вечерва, испишавме историја!

Повеќе од 15 000 посетители вечерва уживаа во фантастичната атмосфера на првата вечер од Културното лето.

Настанот го отвори DJ Mats кој со својот добро познат стил го подигна расположението кај сите присутни.

Час и половина хип хоп, најпопуларните хитови на кои се играше и пееше на преполниот простор пред салата Расадник, уште еднаш покажаа зошто DJ Mats беше одличен избор за отворањето на неделата во која Кисела Вода го слави и својот 68-ми роденден и новото Културно лето.

Веднаш по него незаборавен концерт одржаа 2Bona, чии песни наизуст ги пееше целата публика. Во редици се чекаше за фотографија со ѕвездите на вечерта кои, во моментот работат на химна за Кисела Вода.

Паркот во Расадник ечеше од добра музика и одлично расположение по кое ќе се памети оваа вечер.

Утре продолжуваме на Три Круши, во Драчево, со фолк вечер. Настапуваат Куд Китка, Сузана Спасовска и Миле Кузмановски.

Да сте ми здрави и живи!