НАТО ги прекина разговорите за ревидирање на односите со Русија поради преговорите на Вашингтон со Москва и Киев, пишува Еуроактив, повикувајќи се на дипломати. Медиумот посочува дека претстојниот самит во Хаг се очекува да биде пресвртница во односите со Русија од нивното „замрзнување“ по почетокот на украинскиот конфликт.
„Сега кога САД водат мировни преговори со Русија и Украина, сите дискусии на оваа тема се прекинати“, се наведува во написот.
Се нагласува дека дискусии не се водат со месеци.
„Нејасно е што мисли американскиот претседател Доналд Трамп за односите со Русија“, посочува медиумот, повикувајќи се на извори.
Неименуван американски функционер не одговори на прашањето на Еурактив за позицијата на Вашингтон по ова прашање, но нагласи дека дискусиите меѓу сојузниците на НАТО во врска со самитот во Хаг продолжуваат.
„Во врска со Украина, сите сојузници се согласуваат дека смртта и уништувањето мора да престанат. Претседателот Трамп сака да придонесе за мирот“, заклучи функционерот.
Во понеделникот во Ријад се одржа експертски состанок на „технички тимови“ од Русија и САД, кој траеше повеќе од 12 часа. Според рускиот министер за надворешни работи Сергеј Лавров, страните разговарале за безбедна пловидба во Црното Море.
Русија се залагаше за обновување на Црноморската иницијатива во форма која би била прифатлива за сите, објасни Лавров и нагласи дека Москва не може да го прифати зборот на Киев за ова прашање.
Русија на преговорите ја претставуваа шефот на меѓународниот комитет на Советот на Федерацијата, Григориј Карасин и советникот на директорот на ФСБ, Сергеј Беседа. Во американската делегација беа Ендрју Пик, виш директор за Европа во Националниот совет за безбедност, Мајкл Антон, директор за планирање политика во Стејт департментот, како и помошници на специјалниот пратеник за Украина, Кит Келог и советникот за национална безбедност Мајк Волц. Претходно американскиот претседател Доналд Трамп изјави дека САД, Украина и Русија постигнале прелиминарни договори за решавање на конфликтот, што тој го опиша како „нацрт-договори“.
