Најголемата банка во Сингапур, „ДБС“, денеска објави дека очекува да укине околу 4.000 работни позиции во следните три години бидејќи вештачката интелигенција ќе преземе добар дел од работата што моментално ја вршат луѓе, пренесува „Јуроњуз“. Портпаролот на банката рече дека овој потег ќе влијае на привремениот и договорниот персонал, при што намалувањето на работната сила ќе се одвива преку природно трошење додека проектите се завршуваат. Постојаниот персонал нема да биде засегнат од овие кратења.
„ДБС“ вработува вкупно околу 41.000 луѓе, а во моментов има меѓу 8.000 и 9.000 работници на договори на определено време. Извршниот директор на банката во заминување, Пијуш Гупта, рече дека во исто време, се очекува да бидат отворени околу 1.000 нови работни места поврзани со вештачката интелигенција. Ова ја прави „ДБС“ една од првите големи банки што дава детали за тоа како вештачката интелигенција ќе влијае на нејзиниот бизнис, пишуваат медиумите. Минатата година Гупта рече дека банката повеќе од една деценија работи на интегрирање на вештачката интелигенција.
