Нападите означуваат интензивирање од претходната ноќ, кога украинските воздухопловни сили соопштија дека Русија нападнала со 14 балистички ракети и 250 беспилотни летала и дронови, погодувајќи шест региони. Русија ги засили нападите врз Украина преку ноќ, најмалку 12 лица, меѓу кои и три деца беа убиени, а има десетици повредени, соопштија регионалните власти и службите за итни случаи. Воздухопловните сили на Украина соопштија дека од 20:40 часот во саботата по локално време, Русија извршила напади користејќи 367 ракети од различни видови, а регистрирале удари на 22 локации и собориле крстосувачки ракети и беспилотни летала во 15 области, пишува Би-би-си. Нападите означуваат интензивирање од претходната ноќ, кога украинските воздухопловни сили соопштија дека Русија нападнала со 14 балистички ракети и 250 беспилотни летала и дронови, погодувајќи шест региони.
Смртни случаи се пријавени во повеќе региони по нападите во текот на ноќта. Во регионот Киев, четири лица загинале, а 16 се повредени, меѓу кои три деца, соопшти украинската државна служба за вонредни состојби (DSNS). Во главниот град Киев, локалните власти пријавија 11 повредени, повеќекратни пожари и штети на станбени згради, вклучувајќи и еден студентски дом. Во Харков, регионалните власти пријавија три повредени. Во Русија, Министерството за одбрана соопшти дека 110 украински беспилотни летала биле уништени и пресретнати над 12 руски региони и на полуостровот Крим помеѓу полноќ и 7 часот по локално време. Извор: Новинска агенција МЕТА
