Најмалку 21 лице е убиено во последните израелските напади кои се случија утринава долж Газа, соопштија медицински извори. Еден од најтешките напади е нападот на куќа во Кан Јунис, во јужниот дел на Газа, каде загинаа најмалку 12 Палестинци, пренесува Ал Џезира.
Лицата беа убиени во напад североисточно од Рафах, каде што израелската армија објави дека спроведува офанзива од големи размери за заземање „голема област“. Израелскиот министер за одбрана, Израел Кац, во понеделникот најави значително проширување на воената операција во Газа, велејќи дека големи области од палестинската енклава ќе бидат окупирани и додадени во безбедносните зони на Израел, објави Ројтерс. Тој во соопштение наведе дека ќе има големи евакуации на населението од борбените подрачја, пренесува Танјуг.
