Невреме ја погоди североисточна Индија, најмалку петмина загинати

Најмалку пет лица загинаа како резултат на обилните дождови во североисточна Индија, додека монсуните ја зафаќаат целата земја предизвикувајќи поплави, лизгање на земјиштето и големи штети, соопштија денес официјални лица.

Смртни случаи се регистрирани во индиските држави Мизорам, Трипура и Мегалаја, додека во Асам е на сила црвен метеоролошки аларм поради екстремни врнежи од дожд, објави „Индија тудеј“.

Во Мизорам се урнаа најмалку три куќи, а неколку патишта беа блокирани од свлечишта, а во главниот град на државата, Ајзавл, едно лице загина, а друго беше повредено кога се урна ѕид.