Во домашните медицински установи се лекуваат 15 пациенти. Министерството за здравство денеска информираше дека во моментот кај сите 69 пациенти кои се на лекување во странство нема промена во нивната состојба, во споредба со претходните денови. Непроменета е и состојбата на пациентите кои се во критична состојба. Во домашните медицински установи се лекуваат 15 пациенти, во Хируршката клиника ,,Св Наум Охридски”, шестмина, на Клиниката за пластична хирургија четворица пациенти кои синоќа пристигнаа од странство, на Клиниката за токсикологија има двајца пациенти, од кои еден ноќеска дојден од Шпанија и еден пациент е хоспитализиран на Клиниката за пулмологија. Во приватната болница Систина се лекуваат двајца пациенти.
„Сите пациенти кои се третираат во нашите установи се во стабилна состојба. Министерството за здравство и понатаму внимателно ја следи состојбата на повредените пациенти и останува во постојана комуникација со медицинските тимови во земјава и странство, посветено на обезбедување најдобра можна нега за повредените од несреќата во Кочани“, се вели во соопштението од министерството. Извор: Новинска агенција МЕТА
