Отиде и убавиот бронзен релјеф на уметникот Насо Беќаровски. Во сред центар на метрополата, на неколку десетина метри од Собранието. Отиде во некоја депонија за старо железо. Не постои метропола во светот (која не е во војна) што ги губи толку лесно културните и уметничките кодови. Михаил Ренџов еднаш во еден разговор ми спомна дека кога вајарот го изработувал моделот за споменикот посветен на Децата бегалци, толку бил посветен и внесен во процесот, што на крај му кажал: – Мислам дека остарев 50 години додека ја работев оваа скулптура.
