Јавен обвинител од Основното јавно обвинителство Скопје поднесе Обвинителен предлог против 50-годишен скопјанец за кривично дело – Предизвикување општа опасност од член 288 став 4 во врска со став 1 од Кривичниот законик. Скопското обвинителство поднесе обвинение и за таткото на Васил Јованов, кој ја усмрти 22-годишната Фросина Кулакова, прегазувајќи ја на пешачки премин.„Јавен обвинител од Основното јавно обвинителство Скопје поднесе Обвинителен предлог против 50-годишен скопјанец за кривично дело – Предизвикување општа опасност од член 288 став 4 во врска со став 1 од Кривичниот законик. Во текот на претходната постапка, јавниот обвинител обезбеди докази од кои произлегува дека обвинетиот, во периодот од 04.11.2022 до 30.01.2025 година со општоопасно дејствие предизвикал опасност за животот и телото на луѓето, свесен дека поради неговите сторувања можат да настапат штетни последици, а сепак лекомислено сметал дека тие нема да настапат,“ известуваат од обвинителство.
Според обвинителството тој на Васил му дозволувал да управува патничко моторно возило „Пежо 207“, иако знаел дека синот не смее да управува со автомобил бидејќи нема возачка дозвола и е повеќекратен сторител на сообраќајни деликти, и тоа: едно кривично дело – сообраќајна несреќа со полесни последици во ноември 2022 година, 11 сообраќајни прекршоци (возење без возачка дозвола, возење под дејство на алкохол, непочитување на семафор и на пешачки премин) во текот на 2023 и 2024 година, како и кривично дело – сообраќајна несреќа со смртни последици на 29.01.2025 година. Сообраќајката во која почина Фросина се случи на пешачки премин на бул. „Партизански Одреди“ и ул 29 Ноември (кај пекара „Силбо), кога возачот не запрел на време на пешачкиот премин. Во тој момент 22-годишната Фросина Кулакова веќе го преминувала булеварот на пешачки премин, а на семафорот за возилата било вклучено црвеното светло. Тој се движел по десната лента на булеварот и со предниот лев дел удрил во Фросина по што таа починала на лице место. Извор: Новинска агенција МЕТА
