Секој четврти мигрант размислува да ја напушти Германија, а најмногу оние со високо ниво на образование – стои во објавената студија на Институтот за истражување на пазарот на трудот и професиите (IAB)- пренесува Каматица. До овој исход, кој ќе создаде нови проблеми за веќе осиромашениот пазар на трудот, авторите на студијата дојдоа во голема репрезентативна онлајн анкета со 50.000 новодојденци кои зборуваа за своите намери.
На чело на групата на оние кои би сакале да ја напуштат земјата во која дошле со големи амбиции се оние кои на Германија и се најпотреби: експерти од областа на ИТ, финансиите и осигурувањето, објави Радио Дојчландфунк. Не им е тешко да најдат нова работа во други земји, а најсигурни се патиштата што водат кон Швајцарија, САД и Шпанија.
Некои проценки покажуваат дека дури 300.000 професионалци имаат конкретни планови за заминување. Незадоволството од политичката ситуација, личните причини, даночните оптоварувања и бирократијата најчесто беа наведувани како главни причини за разделба од поранешната социјална држава. Дискриминацијата се споменува и како мотив за пакување куфери.Сепак, 57 проценти од имигрантите имаат намера да останат и да работат понатаму во Германија. Станува збор за околу 5,7 милиони луѓе.
