Регионалниот музички фестивал „Бисер јадрана“ го отвори конкурсот за прием на нови композиции за Регионалната вечер на фестивалот која ќе се одржи на 19-ти јули во Тиват. Изведувачите од Македонија, БиХ, Србија, Хрватска и Словенија можат да се пријават до 14-ти мај а композициите пријавени на конкурсот не смеат да бидат претходно изведени или објавени. Конкурсот на фестивалот беше отворен на 14-ти февруари и трае до 14-ти мај. Комисијата за избор на фестивалот ќе ги извести сите пријавени дали нивната композиција е прифатена најдоцна до 10.06.2025 година. Апликантите треба да ги испратат своите аранжирани композиции до организаторот до 01.07.2025 година. Постпродукцијата на сите пристигнати композиции (снимање на изведби и подготовка на материјал за подоцнежни емитувања, или употреба за какви било договорени цели) ја врши организаторот на фестивалот, кој на апликантите на избраните композиции им гарантира учество на фестивалската вечер, ТВ пренос во живо и презентација во медиумите пред, за време и по фестивалот.
