Кумановските пожарникари гаснеле пожар на автомобил во близина на граничниот премин Табановце, соопштија денеска од полицијата и од противпожарната единица. Вчера во 23:10 часот во СВР Куманово било пријавено дека на автопатот пред граничниот премин Табановце настанал пожар во патничко возило БМВ во движење, со кумановски регистарски ознаки, управувано од Д.П.(23) од Куманово. Пожарот го изгаснала екипа на територијалната противпожарна единица Куманово, со едно возило и четворица пожарникари, десетина минути пред полноќ. Повредени лица нема. Увид извршила екипа од СВР Куманово.
