Унгарскиот премиер Виктор Орбан денеска изјави дека неговата влада планира да подготви закон со кој се забранува блокирање мостови за време на улични протести, со цел да се заштитат правата на граѓаните кои не учествуваат на демонстрациите.
Во вторникот, илјадници луѓе во Будимпешта протестираа на мостот Елизабета против законот за забрана на Парадата на гордоста. Слободата на собирање е важна, но не е нормално десетици илјади луѓе да бидат заглавени во сообраќаен метеж во исто време, рече Орбан. Тој изјави дека новиот закон е потребен за да се спречи блокирањето на мостовите, како што сега е можно со одлуката на судот, пренесува Ројтерс.
