Украина во дослух со Брисел го запре транзитот на руски гас со цел да изврши притисок врз Унгарија и Словачка и да ги вовлече во конфликт, изјави унгарскиот премиер Виктор Орбан.
– НА ПОЧЕТОКОТ НА ОВАА ГОДИНА КИЕВ, ВО ДОСЛУХ СО БРИСЕЛСКИТЕ БИРОКРАТИ, ЗАТВОРИ ГОЛЕМ ЕВРОПСКИ ГАСОВОД ШТО МИНУВА НИЗ НЕГОВА ТЕРИТОРИЈА. СО ОВА САКАА ДА ИЗВРШАТ ПРИТИСОК ВРЗ СЛОВАЦИТЕ И ВРЗ НАС ЗА ДА НÈ ВОВЛЕЧАТ ВО РУСКО-УКРАИНСКИОТ КОНФЛИКТ, РЕЧЕ ОРБАН ВО ВИДЕООБРАЌАЊЕ СНИМЕНО НА ДИПЛОМАТСКИОТ ФОРУМ ВО АНТАЛИЈА И ОБЈАВЕНО НА „ФЕЈСБУК“.
Орбан додаде дека Будимпешта сега има можност да добива руски гас само преку „Турски тек“, и затоа Анкара е клучен унгарски партнер и целта на неговото доаѓање во Анталија се преговори со турскиот претседател Реџеп Таип Ердоган. – Притисокот не исчезна, Брисел сè уште се обидува да ги победи Унгарците, но ние ќе ги заштитиме интересите на унгарскиот народ и нема да се согласиме на уцени, изјави Орбан. На дипломатскиот форум во Анталија на 12 април ќе учествува и шефот на руската дипломатија Сергеј Лавров.
Будимпешта и Братислава бараат од Киев да го врати транзитот на рускиот гас за централна Европа и сакаат да ја обезбедат поддршката од Брисел, но прашањето се уште не е решено. Унгарија сè уште го добива најголемиот дел од својот гас според долгорочните договори со Гаспром преку гасоводот „Турски тек“ и неговите краци преку Бугарија и Србија. Според унгарските податоци, во 2023 година овој показател бил 5,6 милијарди кубни метри, а во 2024 година достигнал рекордни 7,6 милијарди кубни метри. Од своја страна, Унгарија испорачува гориво за соседна Словачка.
