Денес е посебен ден за Драчево и за целата Општина Кисела Вода. Со огромно задоволство го означуваме почетокот на изградбата на ,,Olympia Fitness” – еден од најголемите и најсовремени фитнес и бодибилдинг центри во Македонија. Ова е инвестиција вредна над еден милион евра, која ќе се простира на површина од 2.850 квадратни метри софистициран простор за спорт и рекреација и ќе обезбеди нови работни места за околу 20 наши сограѓани. Ова ќе биде центар кој ќе овозможи врвни услови за тренинг, здрав живот и спортски дух. Со оваа инвестиција, Драчево добива модерен спортски објект, но уште поважно – добива место каде што младите, спортските ентузијасти и рекреативците ќе можат да работат на своето здравје и кондиција тренирајќи фитнес, крос фит, joга, аеробик, бодибилдинг итн.
Инвестициите како оваа не се случајност. Тие се резултат на зголемената доверба која нашата општина ја стекна кај инвеститорите. Денес, Кисела Вода е препознаена како средина која нуди стабилност, транспарентност и поддршка за сите што сакаат да вложат и да градат. Нашиот пристап е јасен – работиме законски, посветено и со визија за подобра иднина. Токму затоа, се радувам што денес имаме уште една инвестиција која ja зацврстува нашата позиција како општина што привлекува капитал и создава услови за развој. Изградбата на “Olympia Fitness” е уште еден значаен чекор напред во оваа мисија. Сакам да му се заблагодарам на инвеститорот Александар Србиновски за неговата визија, доверба и придонес кон развојот на Кисела Вода. A ние, како локална самоуправа, ќе продолжиме да jа градиме општината во која инвестициите и спортот ќе имаат своја стабилна иднина. Ви благодарам и со нетрпение очекуваме да го видиме овој фитнес центар како место каде што ќе се создаваат нови спортски шампиони и ќе се поттикнува здрав начин на живот!
