Поради неповолните временски услови, неколку летови ќе бидат откажани во среда на аеродромот во Истанбул (IST), соопшти Туркиш ерлајнс, според турските медиуми. Компанијата ги информираше патниците дека летовите кои полетуваат и пристигнуваат на овој аеродром се погодени од лошо време.
Аеродромот „Сабиха Ѓокчен“, кој се наоѓа во источниот дел на Истанбул, најави и откажување до 15 отсто од домашните и меѓународните летови закажани за четврток и петок поради најавите за обилни снежни врнежи.
