Првите метеоролошки најави за летото 2025 година укажуваат на исклучително жешка и нестабилна сезона ширум Европа. Според актуелните прогнози, почетокот на летото ќе биде релативно влажен, со почести врнежи и грмежи, особено во западните и централните делови на континентот. Сепак, како што ќе се движи сезоната кон својата средина и крај, се очекува пресврт – метеоролозите предупредуваат на сериозен недостиг на врнежи, продолжени периоди на суша и интензивни топлотни бранови. Посебен ризик од високи температури и пожари се предвидува за Медитеранот, Балканот, но и за делови од Централна и Источна Европа. Во одредени региони, температурите би можеле да надминат рекордни вредности од изминатите години, а ова лето може да биде едно од најтоплите досега. Метеоролозите апелираат граѓаните и властите навреме да се подготват за овие екстремни услови, бидејќи климатските промени сѐ почесто предизвикуваат непредвидливи и драстични метеоролошки сценарија.
Преоден период од пролет во лето: мај – јуни
Најновите сезонски прогнози покажуваат низок притисок над западна и северозападна Европа, што носи влага од Медитеранот кон централните делови на континентот. Од друга страна, високиот притисок над источна и североисточна Европа воведува потопла воздушна маса. Температури: Поголемиот дел од Европа ќе биде потопло од просекот, особено источниот и североисточниот дел. Врнежи: Повеќе врнежи се очекуваат на запад, додека на југоисток ќе биде посува. ЈУНИ 2025: Почеток на потопло и променливо лето во Европа. Притисок: Низок притисок над северозападна Европа, висок на исток и Скандинавија. Температури: Поголемиот дел од континентот е потопол од просекот, најмногу во Источна, Југоисточна и Северна Европа. Врнежи: Повеќе врнежи во западно-централните и северните делови, посуви на југот, според веб-страницата Severe Weather Europe. ЈУЛИ и АВГУСТ: Блокирање на високиот притисок и топлотните бранови. Летните месеци носат постабилно и посуво време над централна Европа. Топлотните бранови се многу веројатни, особено во јули и август, кога се прогнозира дека голем дел од континентот ќе биде потопол од просекот, со многу малку врнежи. Доколку се остварат овие први трендови, летото 2025 година ќе биде едно од најсушите и најтоплите во последните години, со изразени топлотни бранови и намалени врнежи, особено во централна и северна Европа.
