-Не би истрчувал бидејќи ние не сме светска велесила., секој кој ја води македонската држава, претседател, премиер, мора да знае дека сме мала држава, меѓу најмалите на Балканот и дека не ни личи, немаме ресурси, немаме интереси национални да бидеме први до американската држава и да велиме ние сме заедно до најсилните. Ако најголемите од Г7, Јапонија, ако тие не се наредија рамо до рамо со Трамп после изборите, туку вагаат, не можам да видам зошто е ова истрчување, рече поранешниот претседател. Пендаровски рече дека Трамп ја пореметил глобалната рамнотежа, ја пореметил внатрешно трансатлантската заедница, затоа што вовел царини и започнал со офанзивни дејствија против своите најголеми сојузници досега и соседи. -Но она што посебно ме загрижува е позиционирањето на нашата нова Влада во однос на администрацијата на Трамп. Реченицата која ја кажа нашиот премиер Мицкоски по враќањето од Америка дека треба да се навикнеме на ова ново нормално и дека тоа ново нормално ќе го преплави светот е опасна теза. Од новото нормално не се преплавени ниту Америка, Канада, Мексико, Велика Британија, рече Пендаровски во гостување во „Тема на денот“ на Сител, што е воедно и негово прво интервју по изборниот пораз на 8 мај минатата година. Пендаровски додаде дека не е дека не треба да бараме поддршка од Американците, туку дека сме членки на НАТО а сакаме да бидеме и членка на ЕУ.
– Ова не го врзувам со формалното членство, но скеогаш стратешки приоритет била целосната евроатлантска интеграција. Сега првпат во историјата се случува раздвојување од двете страни на Атлантикот, ќе видиме дали тоа ќе оди и понатаму, можно е, но ние какок мала држава не смееме да бидеме за едниот против другиот бидејќи утре задутре големите ќе се договорат на некаков начин, ќе ни замерат, рече Пендаровски. Во врска со коспонзорството на Македонија на американската резолуција во ООН, дополни дека „не може држава со 1,8 милиони луѓе да биде коспонзор на Резолуцијата во ООН барабар со Америка“. – Да не спомнувам дека од другата страна беа и Северна Кореја и Белорусија, но нам не ни е местото на големиот терен каде се натпреваруваат големите, ние треба да бидеме многу внимателни, посочи Пендаровски, критикувајќи го позиционирањето на Владата кон Унгарија. Осврнувајќи се на евроинтеграциите, рече дека „од комуникацијата што ја има на дневна основа со неколку битни амбасадори во Скопје некои од нив му тврделе дека премиерот или министерот за надворешни работи ги уверуваат оти наредните неколку месеци, три четири месци, ќе бидат доволни новата администрација да го реши проблемот со Бугарија“ и оцени дека „тоа е тежок политички аматеризам“.
Треба, посочи, да видиме што можеме да понудиме кај ваков Трамп во однос на Бугарија – ништо, практично ништо. – Кај трансакционен претседател ние имаме многу малку што да понудиме – зборувам за пари и ресурси. Бугарија има далеку подобра стратешка позиција од нас. Прашан дали би дал поддршка ако ВМРО-ДПМНЕ издејствува некакви гаранции или одложено дејство рече дека „едвај чека да се добие мнозинство или целосен консензус во ЕУ и да речат во ред е сменетео го сега Уставот, а ќе важи после неколку години“, но оти нема такво нешто. После изјавата на Пендаровски, се огласи вицепремиерот Александар Николоски со несогласување. Стево Пендаровски – човек кој два пати изгуби Претседателски избори, вториот пат со историски најголема разлика, после 10 месеци реши да се појави во јавност и да го напаѓа Премиерот Мицкоски и ВМРО-ДПМНЕ заради поддршката на САД и Претседателот Трамп. Пендаровски кој иако вети не се откажа од доживотна пензија на грб на граѓаните, го напаѓа Претседателот на нашиот стратешки партнер број 1. Арогантно дели „ум“ на светски лидери, а сам себе не се гледа. Човекот кој масовно ја злоупотребуваше Агенцијата за разузнавање со наредба да фабрикувааат извештаи за нас од ВМРО-ДПМНЕ дека сме „проруски“, „антизападни“, „антиамерикански“, за мене слушам напишале дека сум претставник на „иранско – турско – унгарско влијание“ и пуштаа гавази да ги молат стратешките партнери пола од носителите на листи на ВМРО-ДПМНЕ да завршат на црна листа за така да се спасат од пораз, истиот тој сега е најантизападен и најантиамерикански. Стево троши пензијата, не се брукај, не ја руши позицијата на Македонија и дружи се со пријателите од Агенција за разузнавање додека можеш!, напиша Николоски на Фејсбук.
