Од кабинетот на претседателот информираат дека на средбата биле разменети мислења за севкупните односи меѓу двете држави, соработката на регионален и мултилатерален план, за аспирациите на нашата држава за членство во Европската Унија, состојбите во регионот и руската агресија врз Украина.
„Претседателот Пендаровски го информираше претседателот Милановиќ за текот на скрининг процесот со Европската Унија и изрази благодарност за силната хрватска поддршка за нашето членство во ЕУ“, соопшти кабинетот на Претседателот.
