На сметките на над 300 илјади пензионери од денеска ќе легнат за 2.500 денари зголемени пензии. Станува збор за второто линеарно зголемување по првото покачување во септември минатата година кое изнесуваше исто 2.500 денари. За исплата на пензиите во тековната година, во Буџетот се предвидени 1,715 милијарди евра. Според премиерот Христијан Мицкоски, ова покачување има за цел да ја намали разликата во примањата меѓу најбогатите и најсиромашните граѓани.
