Преку инвестициите во инфраструктурата поврзана со воспитно-образовниот процес, креираме подобри услови за растење, развој и образованието на младите од Аеродром. Тие се иднината на општината, а ова се проекти со кои даваме поддршка кон создавање здрава и едуцирана младина.
Пред почетокот на учебната година заврши реконструкцијата на внатрешноста на основното училиште „Браќа Миладиновци“, а во завршна фаза е реконструкцијата на фасада на детската градинка „Пчелка 2“ со што овој објект добива енергетски ефикасна фасада, направена согласно највисоките стандарди. Ова се два проекти кои се реализираат со средства од буџетот на Општина Аеродром.
Во следниот период ќе започне реконструкцијата на подрачното училиште „Гоце Делчев“ во населбата Долно Лисиче, со што заокружуваме уште еден инфраструктурен и инвестициски циклус кој се реализираше во текот на 2023 година.
