Скоро сите населби Аеродром и Гази Баба денеска ненадејно останаа без струја. Од ЕВН Македонија за „Слободен печат“ потврдија дека има прекин на струјата, а ова ненајавено исклучување е поради појава на пожар во близина на Вардариште, поради кој без струја останаа 47.000 корисници.
-Поради голем пожар во депонијата Вардариште, а по барање на Противпожарната бригада, екипите на Електродистрибуција веднаш интервенираа на терен и ги исклучија од напон трафостаниците „Скопје 4 – Аеродром” и „Скопје 4 – Исток”. Во моментов 47.000 корисници се без снабдување со електрична енергија. – велат од ЕВН.
Во општина Гази Баба, прекин на струјата има во Маџари Индустриска зона, Трубарево, Стајковци и Јурумлери.Од ЕВН информираат дека напонот ќе биде повторно воспоставен откако ќе добијат известување од Противпожарната бригада дека теренот е безбеден и пожарот е изгаснат.
