Популарноста на играта „Обливион“ (The Elder Scrolls IV: Obilivion“, претходникот на ултра популарната видео игра „Скајрим“, доби своаја ремастерирана верзија. Не се работи само за козметички подобрена верзија, туку за драстично подобрен изглед на сѐ во играта до детали со употреба на Unreal Engine 5. Многу работи се всушност превземени од работата на доброволниот подвиг на ентузијасти што ја правеа верзијата „Скајбливион“. Обливион беше игра која своевремено во 2006 година пред две декади беше првата игра со која тогашната XBOX конзола ја започна следната генереација на игри во средновековен фантазиски отворен свет наменет за возрасни гејмери.
Што се однесува на имерсијата што оваа игра ја донесе своевремено можеше да се спореди со имерсијата на World of Warcraft во тој период. Навраќањето на игра што сте сакале да ја играте своевремено кога излегла а не сте можеле е најчесто прегорено чувство, но не мора да значи. Има игри што и покрај постарата графика се уште го имаат истиот драж што не исчезнува. Но со овој ремастер девелоперите „Bethesda“ внесуваат вистински посакувана ремастерирана верзија на игра која го размрда светот. Графиката е многу модернизирана, иако аматерскиот проект „Скајбливион“ (правење на играта Обливион со Скајрим графика), е само дел од новитетите детали што ги има ремастерирана верзија на играта.. Затоа што и Скајрим како една од најмодираните игри воопшто што уште има активна популарност и креативност со „Гејм Едитор“ за играта. До денес ова е тековен феномен. Промените на ремастерираната верзија во „Обливион“ се одлично сработени но изглегоа и инвентивни решенија што ни Скајрим ги немаше, како на пример прикажување на точна далечина до објектива која што е обележана на мапа.
Целосна мапа на замислениот свет “Сиродил” која дозволува детално зумирање како и долго бараната верзија да се одзумира во целост на мапата. Наградена е преспективата на трето лице во која најчесто гејмерите преферираат да ги играат Елдер Скролс игрите што кулминира како најефикасна употребувана преспектива во Елдер Скролс Онлајн. Обливион нуди многу повеќе детални активности одошто оние кои ги нуди Скајрим, едно од највпечатливите искуства во играта е кога сте на тајна мисија преку натпреварување како гладијатор да дојдете до информации во текот на приказната. Секако тука е и „The Dark Brotherhood“ и впечатливи зони со сончеви шуми, мочуршната „Темна Шума“, цели области и маркантни места со снег и пустински краеви. Што се однесува до наративот и приказната, ликовите и разновидноста е наградена за да нема репетитивност на преслични карактери кои ви даваат задачи и квестови, дури и другите хуманоидни раси имаат повеќе варијации. Во Обливион важеше правилото за левелирање на способности каде тоа што го правите тие способности ви растат на пример ако одлучите да не јавате коњ насекаде туку да трчате ви се појачуваат поени и левел во способноста наречена “атлетика”.
После долго трчање можете да трчате побрзо или да скокате повисоко. Ако користите мечови ви се качува вештината за поефикасно и посилно удирање со оружја од блиску, а ако користите магии се специјализирате за одреден тип на елемент на магија кој е најкористен. Но во “Обливион Ремастерд” е конечно внесено и мени што ви го прикажува и пасивниот напредок на овие статови. Иако има и класично левелирање каде можете да измаксирате само три главни атрибути -и препорачливо е да не се расплинувате во стилот на мултиклас како на Dungeons and Dragons туку од старт да имате идеја за својот стил на играње да одберете пат -па дури и билд од интернет и да се придржувате на зацртаното, за најдобра ефикасност особено за издржување на крајот од играта. Што се однесува за тоа како да ја играте Обливион препорачливо е да прогресирате прво со Мејн Квест сторилајнот од почеток до крај а потоа да играте странични квестови затоа што во одредна фаза на играта се често се отвараат рифтови и портали од кои навираат демони и чудовишта што треба “да ги чистите” и тоа станува голема кочница во истражување на светот и правење алтернативни квестови. Но ако ја завршите прво главната приказна – рифтовите и порталите од пеколот ги нема и може да си истражувате или едноставно да уживате во јавање коњ во природа низ прекрасните пејсажи на играта. Што е често еден вид медитативна истражувачка активност во сите open world игри каде има можност за јавање коњ што гејмерите често ја уживаат, како “вид на дигитална слобода”. Исто така во играта за оваа активност важен е и коњот, а во самата игра за тоа највеќе се преферира едногорот што може да го најдете во природа.
Самата природа во играта е збогатена со ветер, трева и цвеќиња и грмушки што реагираат на временски услови и ден-ноќ циклусите, што се однесува до поставеноста на дрвјата во шумите е иста како оригиналот, но кога сме кај планинските предели -рачно се правени структури на камењата и карпите. Ако видите планина во играта може да ја искачите до врвот. Но сепак светот не е бесконечен и ако предалеку јавате со коњ ќе стигнете до невидлив ѕид, особено ако не кореспондира со тоа до каде сте со приказната а и е обележан и на самата мапа. Но ликовите, животните, демоните и се’ друго што е живо во играта е толку добро сработено што личи на сосема најнова игра во дизајнот кој е навистина драстично подобрен. Ремастерирана верзија на играта во најново руво е одлична и популарна игра. Да не споменуваме дека за императорот во играта гласот го позајмува познатиот светски актер Патрик Стјуарт најпознат по улогата на “Капетанот Жан Лук Пикард” во “Стар Трек: Новата Генерација”. Исто така покрај други маркантни улоги овој актер е познат и по улогата на “Професор Икс” – Чарлс Ексзејвиер во филмовите за “Икс Мен”. Кога сме кај новите генерации постарите гејмери изразија негодување поради среќата на новите генерации гејмери кои за првпат ќе се сретнат со Обливион во оваа најнова верзија што ќе им биде искуство со навистина до детали исполирана игра до перфекција правена со многу труд и љубов кон правењето на видео игри. Извор: Новинска агенција МЕТА
