Вардар вчера ја победи Струга и така по 18 години успеа да го освои Купот на Македонија, а со тоа си обезбеди и европски настап. Црвено-црните заедно со Работнички и Силекс ќе бидат македонските претставници летово во квалификациите за Конференциската лига. Сите три тима се најдоа во групата на неносители, што значи дека ќе се соочат со поквалитетни противници, односно екипи со повисок УЕФА коефициент. Иако листата на можни ривали сè уште не е финализирана, веќе се познати дел од клубовите со кои Вардар, Работнички и Силекс би можеле да се судрат во првото коло од квалификациите. Меѓу потенцијалните противници се наоѓаат имиња како ирски Шамрок Роверс, фински Хелсинки, албански Партизани, како и Копер од Словенија.
