Полициската управа на Лас Вегас прогласи нелегален собир во знак на протест против антиимиграциските мерки околу центарот на американскиот Федерален суд и им нареди на демонстрантите да се „распрснат“ или ризикуваат апсење.
„Го прогласивме собирот на аголот од булеварот Лас Вегас и Кларк за нелегален поради нелегалните активности на демонстрантите. Издадена е наредба за распрснување. Непочитувањето на упатствата може да резултира со апсење или казни за демонстрантите“, се вели во соопштението од полицијата, пренесува CNN. Во исто време, демонстрантите сè уште се на улиците на Сиетл, извикувајќи слогани против Службата за имиграција и царина на САД (ICE), држејќи транспаренти со пораки со кои се осудуваат неодамнешните рации на агенцијата за имиграција.
