МВР денеска соопшти дека е пронајдена и уапсена жената-возач која вчера на булеварот „Кузман Јосифовски-Питу“ во Скопје прегазила пешак, по што избегала од местото без да ѝ помогне на жртвата.
„На 31.01.2025 во 17.30 часот во Скопје од страна на полициски службеници од СВР Скопје е пронајдена и лишена од слобода С.В.М.(42), затоа што на 31.01.2025 околу 14 часот на крстосница од бул. „Кузман Јосифоски Питу“ и ул. „Бојмија“ со патничко моторно возило „цитроен“ удрила во пешакот А.М. (38) од Скопје и го напуштила местото на настанот без да укаже помош на повредениот. А.М. со возило на Итна медицинска помош бил пренесен во Комплекс клиники „Мајка Тереза“ каде му се констатирани телесни повреди“, велат од полицијата.
Според клиниката за ТОАРИЛУЦ, и повредениот пешак потоа ја напуштил болницата без да ги извести лекарите. По наредба на јавен обвинител С.В.М. е задржана во полициска станица и против неа ќе биде поднесена кривична пријава по брза постапка, додаваат од МВР.