Вчера во 20.15 часот, преку 112 во Центарот за управување со кризи е добиена пријава за големо количество на вода по обилниот дожд што го погоди Скопје вчера попладне, на улица „Фуштанска“ 14А во скопската населба „Ченто“ (општина Гази Баба).
Според првите информации биле поплавени подрумските простории на повеќе приватни куќи долж улицата. Како што се наведува, водата не попречува сообраќај. Нема повредени лица. За ова веднаш од ЦУК е известена општина Гази баба и СВР Скопје за понатамошна постaпка, известија денеска од ЦУК.
