Бугарскиот пратеник Пејков на неговиот Фејсбук профил објави каде биле распределени дел од средствата кои тој ги собра за настраданите во Кочани. По консултации со Кризниот штаб во Кочани, бил составен список од 18 семејства кои претрпеле најголеми загуби, додека на 15 од нив веќе им се префрлени по 1.500 евра од донациите. Пејков најави и дека се задржани околу 13.000 евра за поддршка на жртвите на кои им е потребен подолг третман.
Досега, преку сметка и PayPal, биле собрани вкупно 39.952 евра од 624 донации. Од нив, 22.500 евра веќе се исплатени, 4.500 евра ќе бидат префрлени штом се отворат сметките, а останатите средства ќе се користат за понатамошна помош.
