Објавата споделува напис со наслов: „Скандал во Франција: Македонска смедеревка продавана како бургундско вино за 250 евра по литар“. Новинарите мора многу да внимаваат кога објавуваат вести, па дури и кога вестите ги пренесуваат од други портали, во случајов српски. Задача на новинарот пред да објави некоја вест, да ја провери нејзината вистинитост. Во случајов, новинарите биле должни д апроверат дали навистина постои винарија „Газда Ѓоко“ од Мрзенци, дали Европол навистина отворил некаква истрага за македонско вино и слично, пренесуваме текст во целост од Вистиномер. Анализираме објава на Фејсбук која тврди дека македонското вино Смедеревка во Франција се продавала како луксузно француско вино по цена од 250 евра. Бев шокиран кога дознав дека нашата смедеревка се продава за над 250 евра. Ние ја продадовме за 50 евроценти, вели сопственикот на македонската винарница, стои во објавата. Објавата споделува напис со наслов: „Скандал во Франција: Македонска смедеревка продавана како бургундско вино за 250 евра по литар“. Написот, повикувајќи се на текст објавен на српскиот портал Виноинфо.рс, пишува дека Европол и француските истражни органи откријле мрежа на фалсификатори која во последниве години продавала вино од Северна Македонија со скапоцени етикети од француската винска регија Бургундија.
Според информациите, истрагата опфатила винари од познатите региони Шабли и Монраше кои, поради недостиг на Шардоне и зголемена побарувачка, полнеле шишиња со македонска Смедеревка, увезена од винарницата „Газда Ѓоко“ од селото Мрзенци. Фалсификуваното вино, по дополнително одлежување во француски барик буренца, се продавало како автентичен Шардоне со географско потекло, по цени над 250 евра за шише, се наведува во написот. Понатаму написот содржи изјава од извесен француски енолог Теле Репомаше, кој говори за квалитетот на македонската смедеревка, а има изјава и од сопственикот на македонската винарница, Ѓоко Трпески од Мрзенци. Скандалот го отвора прашањето за етикетирањето и контрола на потеклото на виното, но и го свртува вниманието кон квалитетот на вината од Северна Македонија, кои очигледно можат да стојат рамо до рамо со најпрестижните европски етикети – и покрај злоупотребите, вели на крајот написот. Оваа вест ја пренесоа голем дел од македонските медиуми. Но, веста е лажна. Таа е првоаприлска шега. Не постои никаква винарија „Газда Ѓоко“ од Мрзенци, ниту пак Европол води некаква истрага за македонска Смедеревка која наводно се продавала како скапо француско вино. Не постои ниту француски енолог Теле Репомаше (ако го прочитате наглас на српски теле репом маше – теле мафта со опашот). Дека веста е лажна, објави Дојче веле од каде земале изјава од директорката на маркетинг на српскиот портал Вино инфо, Зденка Костиќ.
Добро ги насамаривме, низ насмевка им изјавила таа на колегите од Дојче веле. Дека веста е првоаприлска шега подоцна објави и самиот портал Вино инфо. Априлилили! Веста што ја објавивме утрото на 1 април, дека некои винари од Бургундија, поточно од Шабли и Монтраше, полнат шишиња со македонска смедеревка наместо вино од сопствените винарии, е само првоаприлска шега. Дека удривме во око – медиумите обожаваат да пишуваат за проблемите во винската индустрија – доказ е фактот што многу регионални медиуми доста сериозно ја пренесоа оваа вест. Нема енолог Теле Репомаша (читај го ова име гласно…) ниту пак во Мрзенци има винарија Газда Ѓоко – целата приказна, од почеток до крај, е плод на нашата имагинација. Доколку кај некого сме разбудиле сомнеж за квалитетот и автентичноста на вината од Бургундија со врвен квалитет, би сакале уште еднаш да ги увериме дека барем во однос на автентичноста и колку што знаеме, засега се е во ред, наведуваат од Вино инфо. Новинарите мора многу да внимаваат кога објавуваат вести, па дури и кога вестите ги пренесуваат од други портали, во случајов српски. Задача на новинарот пред да објави некоја вест, да ја провери нејзината вистинитост. Во случајов, новинарите биле должни да проверат дали навистина постои винарија „Газда Ѓоко“ од Мрзенци, дали Европол навистина отворил некаква истрага за македонско вино и слично. Поради сето погоре, оценуваме дека објавата која ја анализираме, е сатира. Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар Извор: Новинска агенција МЕТА
