ПРИСУСТВУВАА 2,1 МИЛИОН ОБОЖАВАТЕЛИ Спречен е бомбашки напад на концертот на Лејди Гага на Копакабана

04/05/2025 20:45

Министерството за правда соопшти дека регрутерите се претставиле како обожаватели на Гага, познати како „мали чудовишта“. Бразилската полиција соопшти дека спречила бомбашки напад планиран за концертот на Лејди Гага на плажата Копакабана во Рио де Жанеиро. На концертот присуствуваа околу 2,1 милиони луѓе, објави „Скај њуз“. Заговорот бил оркестриран од група која промовирала говор на омраза и радикализација на тинејџерите, вклучувајќи самоповредување и насилна содржина како форма на општествена припадност, соопшти Граѓанската полиција на Рио де Жанеиро, која работела во координација со Министерството за правда на земјата.

„Осомничените регрутирале учесници, вклучувајќи и малолетници, за да извршат координирани напади и било планирано да користат импровизирани експлозиви и молотови коктели“, соопшти полицијата. Министерството за правда соопшти дека регрутерите се претставиле како обожаватели на Гага, познати како „мали чудовишта“. Се вели дека операцијата „Лажно чудовиште“ се базира на извештај од лабораторијата за сајбер операции на министерството, по дојава од разузнавачката служба на полицијата на државата Рио, која открила дигитални ќелии кои поттикнуваат насилно однесување кај тинејџерите користејќи кодиран јазик и екстремистичка симболика.

Најново

Вчитувам....