Возач на автобус пукал и убил двајца патници во Мајами, Флорида. Полицајците добиле повик од итната помош околу 3 часот по полноќ. Инспекторите рекле дека возачот на автобусот влегол во некаков вид вербална расправија со патниците во автобусот.
За време на конфронтацијата, возачот извадил пиштол и ги застрелал двајцата патници, кои со хеликоптер биле пренесени во болницата ХЦА Флорида Авентура во критична состојба, соопшти полицијата. Двајцата починале од здобиените повреди, додава полицијата. Сè уште не е јасно што ја предизвикало расправијата што довела до пукањето. Возачот на автобусот е приведен во полиција.
