Германското Министерство за надворешни работи соопшти дека претседателот на Република Српска, Милорад Додик, нема законско овластување да прогласи странски функционер за „персона нон грата“, бидејќи Република Српска не е независна држава. Државниот министер Ана Лирман вчера наутро ја напушти Босна и Херцеговина со редовен лет“, изјавија за сараевскиот портал Кликс (Klix.ba) од германското Министерство.
Во петокот, Ана Лирман пристигна во Бања Лука, каде што беше откажана нејзината средба со претставниците на опозициската Партија за демократски напредок , со образложение дека Владата на РС ја прогласи за „непожелна личност“. Германската министерка изјавила дека нејзе и на делегацијата што ја предводела ѝ се упатени директни закани со насилство од претставниците на претседателот на РС, Милорад Додик.
