Во последните денови на неколку факултети на Универзитетот во Белград се одржаа референдуми на кои се поставува прашањето дали нивните студенти сакаат да се вратат на настава или да продолжат со блокадата, а резултатите досега се убедливо во прилог на останување во блокадата додека не се исполнат барањата. Најголемо единство владее на Математичкиот факултет, каде што на референдумот гласаа 815 студенти, а повеќе од 90 проценти гласаа за продолжување на блокадата до исполнување на барањата. На Електротехничкиот факултет, на референдумот гласаа 1.853 студенти, а 84 проценти беа за продолжување на блокадата. На Факултетот за организациски науки гласаа 2.500 студенти, од кои 87 проценти беа за блокадата. На Градежниот факултет, на референдумот гласаа 1.130 студенти, од кои 72 проценти гласаа за продолжување на борбата. На Рударско-геолошкиот факултет гласаа 454 студенти, а 72 проценти беа исто така за блокадата.
„Сега разбирате ли дека нема да се откажеме?“, напишаа студентите од Електротехничкиот факултет својата официјална сметка заедно со објавените резултати. Тие објаснија и зошто не ја изразуваат излезноста во проценти: „Бидејќи точниот број на студенти не е познат, меѓу нив има активни, неактивни, студенти од додипломски/магистерски/докторски студии…“
