Од вечерва на полноќ, цените на горивата се намалуваат, соопшти Регулаторната комисија за енергетика (РКЕ).
„Максималните цени на нафтените деривати ќе изнесуваат: моторен бензин ЕУРОСУПЕР 95 ќе чини 74,5 денари, ЕУРОСУПЕР 98 ќе чини 76,5 денари, а литар дизел гориво ќе чини 70 денари. Масло за горење екстра лесно 1 ќе чини 69,5 денари, а килограм мазут 42,2 денари. Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) се намалуваат за 2 денари, цената на бензинот ЕУРОСУПЕР БС-98 се намалува за 1 денар, цената на бензинот ЕУРОСУПЕР БС-95 се намалува за 0,5 денар, а цената на мазутот се намалува за 1,2 денари“, наведено е во соопштението на РКЕ.
