Поранешниот бразилски фудбалер Робињо (41) одлежа една година затвор, од вкупно девет, за силувањето кое го изврши во Италија во 2013 година. Поранешната ѕвезда на Милан, Реал Мадрид и на бројни други клубови, но и на бразилската репрезентација, заедно со двајца соучесници е осудена за силување на Албанка во ноќен клуб во Милано. Казната почна да ја издржува пред една година. Дотогаш постојано избегнуваше да оди во затвор, во тоа успеа со враќањето во Бразил, кој според законот не доставува осуденици во други земји, но во овој случај поради договорот меѓу обвинителите на Италија и Бразил не можеше да ја избегне казната.
Робињо веќе една година е во озлогласениот затвор „Тремембе“ во Сао Паоло, каде казната ја отслужуваат важни „фаци“ на локалното подземје, озлогласени криминалци и ВИП личности. Строгите правила на затворот ги спречуваат да влијаат на надворешното општество со нивните врски внатре меѓу ѕидовите, а осудениците од тој профил се испраќаат токму на ова место. Овој затвор, токму поради своите „гости“, популарно го нарекуваат „затвор на славните“. Во оваа установа затворска казна отслужуваат политичарите Луис Естевао и Антонио Маркос Пимиента дас Невес, како и познатите убијци Кристијан Кравињос и Александре Нардони. Бразилските медиуми пишуваат дека владеењето на Робињо во затвор досега било беспрекорно.
„Тој ја држи главата надолу и оди полека, мирен е, тој е пример за дисциплиниран затвореник кој не прави проблеми со другите затвореници. Секогаш гледа да биде вработен“, изјави за бразилските медиуми адвокатот на Робињо – Марио Росо. Овој адвокат вели дека Робињо често игра фудбал на правливиот затворски терен со други затвореници. Исто така, завршил курс за поправка на радија и телевизори, се обучувал за таа работа и поголемиот дел од времето го поминува на поправка на овие уреди, но чита и книги во затворската библиотека.
„Тие го обожаваат“, вели правниот застапник на Робињо за статусот што неговиот клиент го има зад ѕидовите на казнената установа. Тој додава дека Робињо ја завршил програмата врз основа на која добил можност да аплицира за намалување на казната или барем да му се намали во зависност од тоа колку работни часови ќе заврши. На пример, на секои 12 часа работа казната му се намалува за еден ден. Тој живее и спие во ќелија од осум квадратни метри која ја дели со 22-годишен цимер. Затворските правила налагаат затворениците да може да ги посетува само најблиското семејство.
