Континуираната посветеност на САД кон НАТО останува основата на нашата безбедност, изјави денеска генералниот секретар на НАТО, Марк Руте во пресрет на состанокот со министрите за надворешни работи на НАТО, пренесува Танјуг.
Американскиот државен секретар Марко Рубио во четвртокот изјави дека администрацијата на американскиот претседател Доналд Трамп е посветена на останување во НАТО и ги повика 32-те членки на воената алијанса да ветат дека ќе ги зголемат трошоците за зајакнување на нивните одбранбени способности, пренесува Ројтерс. Министрите за надворешни работи на НАТО вчера се собраа на дводневен состанок во Брисел, каде што ги разгледуваат понатамошните планови за претстојниот самит во Хаг и разговараат за итните безбедносни прашања, соопшти Алијансата.
