Полицијата во текот на вчерашниот ден санкционирала вкупно 613 возачи, од кои дури 132 прекршоци за возење под дејство на алкохол. Воедно биле откриени и 114 учесници во сообраќајот кои што немале возачка дозвола. „Инаку согласно одредбите од Законот за безбедност на сообраќајот на патиштата 115 прекршоци се однесуваат на непочитување на пропишаната брзина на движење, 42 мерки за недозволено паркирање, додека пак прекршочно се казнети уште 37 лица кои не користеле сигурносен појас, изречени се 10 мерки за возачи на мотоцикл за неносење заштитна кацига како и седум санкции за возачи кои што говореле на мобилен телефон при возење. Исто така а согласно Законот за возила, 24 возила биле отстранети заради тоа што биле нерегистрирани, а четири возила заради техничка неисправност“, информираат од МВР. Од МВР апелираат, граѓаните да ги почитуваат сообраќајните правила и прописи.
