Денес во Mаракеш, Мароко, во рамките на Парламентарно-економскиот форум на Парламентарното собрание на Медитеранот се одржа билатерална средба помеѓу претседателот на Собранието на Република Северна Македонија, Африм Гаши и потпретседателот на Парламентарното собрание на Медитеранот, Абдулах Бин НасерТурки Ал Субаие.
На средбата се разговараше за унапредување на меѓупарламентарната соработка, заедничките заложби за стабилност и просперитет во Медитеранскиот регион, како и за можностите за зајакнување на парламентарната дипломатија. Двајцата соговорници ја потврдија важноста на дијалогот и меѓусебната поддршка во справување со глобалните предизвици, како што се миграцијата, климатските промени и економскиот развој.Посебен акцент беше ставен на потенцијалот за економска соработка, со фокус на инестиции,трговска размена и развој на инфаструктурни проекти. Средбата помина во дух на пријателство и заемна почит, со изразена подготвеност за продолжување и продлабочување на соработката во рамки на ПС на Медитеранот и пошироко.