Општина Аеродром го добива првото мултифункционално спортско игралиште, на кое покрај фудбал и кошарка, ќе може да се игра и тенис. Како што информираат од Аеродром, игралиштето е сместено во Ново Лисиче и ќе биде целосно реконструирано за првпат од неговата изградба пред неколку децении. Ова игралиште ќе добие сертифицирана мултифункционална подлога, за безбедна игра и спортување. Она што е ново е тоа дека подлогата е соодветна и за играње тенис, со што аеродромци за првпат ќе добијат современо спортско игралиште со јавни тениски терени, кои со поставување на специјални мрежи ќе можат да се прилагодуваат според потребите на граѓаните, велат од Аеродром.
