Се наведува дека Келог ќе учествува на Минхенската безбедносна конференција и ќе ги посети седиштата на НАТО и ЕУ во Брисел, каде што ќе разговара со европските сојузници за нивната подготвеност да соработуваат со САД во завршувањето на Руско-Украинската војна и враќањето на стабилноста во Европа. Специјалниот пратеник на претседателот Доналд Трамп за Украина и Русија, Кит Келог, ќе патува во Германија, Белгија и Украина од 13 до 22 февруари за да разговара со сојузниците на САД за начини за завршување на војната на Украина, пренесува Укринформ. Се наведува дека Келог ќе учествува на Минхенската безбедносна конференција и ќе ги посети седиштата на НАТО и ЕУ во Брисел, каде што ќе разговара со европските сојузници за нивната подготвеност да соработуваат со САД во завршувањето на Руско-Украинската војна и враќањето на стабилноста во Европа.
Во Киев, Келог планира да се сретне со претставници на украинската влада и „граѓани кои храбро издржаа речиси три години војна“. „Специјалниот претседателски пратеник Келог е посветен на спроведувањето на тешката дипломатија што ќе биде потребна за да се постигне целта на претседателот,“ соопшти Стејт департментот. Келог исто така објави на социјалнат мреажа Икс за своето патување во Европа со цел да разговара за начини за завршување на војната во Украина.„Заминувајќи за Европа за да се сретнам со сојузниците и партнерите кои се подготвени да соработуваат со САД за остварување на целта на претседателот Трамп – завршување на војната во Украина и враќање на стабилноста во Европа,“ напиша Келог. „Очекувам продуктивни состаноци за да ги забрзаме работите,“ додаде тој. Како што претходно објави „Укринформ“, украинскиот претседател Володимир Зеленски и американскиот претседател Доналд Трамп се договориле за време на телефонски разговор веднаш да започнат работа меѓу нивните тимови. Приоритетите вклучуваат состаноци меѓу украинската страна и државниот секретар на САД Марко Рубио, советникот за национална безбедност на Белата куќа Мајк Волц и потпретседателот на САД Џ. Д. Венс. Извор: Новинска агенција МЕТА
