Вечерва на „Тема на денот“ на Сител телевизија гостуваше пратеникот на ВМРО-ДПМНЕ, Бојан Стојаноски, кој ја изнесе поддршката за граѓаните, нагласувајќи дека нивната реакција против монополистичките пракси е легитимна. Тој посочи дека по најавата за бојкот започнаа акции за поефтинување, што покажува дека има простор за намалување на цените. Користејќи го примерот на Хрватска, каде бојкотите значително го намалуваат прометот, Стојаноски смета дека ова е сигнал за трговците во земјава да ги почитуваат договорите и интересите на граѓаните.
„Ние ги поддржавме граѓаните бидејќи сметаме дека тоа што го направија е легитимно, бидејќи однесувањето на одредени трговски поединци преку формирање на монополистички и непопуларни политики води кон лоповлук“, изјави Стојаноски.
Стојаноски истакна дека трговците не ги почитуваат договорите, но граѓаните покажале став кој веќе се слуша.
„Се служат со трикови, не ги почитуваат договорите. Ќе се договориме или ќе наметнеме мерки, но тие не го почитуваат тоа. Граѓаните со ова покажаа став кој што сметам дека почнуваат да го слушаат“, додаде Стојаноски. Стојаноски истакна дека по најавата за бојкот започнаа акции за поефтинување, што покажува дека има простор за намалување на цените.
„Може тоа да го поделиме и да го разгледаме во две насоки. Прво, веднаш по најавата за бојкот започнаа акции за поефтинување во маркетите, што укажува на тоа дека има простор за намалување на цените ако се сака. Видовме попусти од 15%, некои поени на картички и слично, кои во моментов не се значајни, но постои простор за намалување на цените и тоа е јасно. Второ, во тие маркети работат луѓе кои можат потенцијално да ги видат ризиците кои им се закануваат на нивните бизниси“, рече Стојаноски.
Стојаноски посочи дека бојкотите во Хрватска го намалуваат прометот за 50%, а во индустријата за 36%, што може да биде пример и сигнал за оние кои не ги почитуваат договорите да се променат.
„Ако ги земеме земјите околу нас, конкретно Хрватска, прометот на пари е намален за 50% во периодите кога има бојкот, а во целокупното стопанство во индустријата прометот на пари само во еден ден, додека трае бојкотот во маркетите, е намален за 36%. Можеби ова е соодветен начин да им се испрати порака. Јас сметам дека ова може да биде еден од конечните акти за тие луѓе да се разбудат за тоа што го прават“, заклучи Стојаноски.
Со почит, Центар за комуникации на ВМРО-ДПМНЕ
