Решението не е дефинитивно потврдено од партнерите во власта, но е најизвесната варијанта во овој момент на маса, додава изворот на ,,360 степени”. Со него би се постигнал баланс во распределбата на врвните функции во власта, ДУИ не би имала и премиер и претседател на парламентот во исто време, во случај да не се избере шеф на државата, в.д. претседател би бил етнички Македонец.
Досега јавно се појавија повеќе имињата на членови на ДУИ за потенцијален премиер на техничката влада меѓу кои не беше Талат Џафери, актуелниот претседател на парламентот. Јован Митрески, пак, кој е координатор на пратеничката група на СДСМ, при ваков можен расплет, се наметнува како логично решение за прв човек на Собранието. Повеќе на 360.мк
