Студентите во Србија објавија соопштение на социјалните мрежи пред големиот протест во сабота. Тие истакнуваат дека не се работи за „финален собир“, бидејќи, како што велат, не прават завршни чекори – туку тектонички промени.
„Во пресрет на големиот студентски протест, испраќаме порака дека на 15-ти март заедно ја пишуваме историјата – цела Србија излегува на улиците на Белград за да покаже дека не се согласува со неправдата. Знаејќи го тоа, никој нека не помисли дека е крај, Србија се разбуди и нема да дозволи повторно да заспие“, се вели во соопштението. Во меѓувреме, студентските колони кои пешачат кон Белград се се поблиску до својот цел. Од Чачак треба да продолжат патот кон Белград велосипедистите од Ниш, кои пред два дена тргнале од југот.
